ကွန်ပြူတာ ပရိုဂရမ်းမင်း အကြောင်း တစေ့တစောင်း

Native app လုပ်ရတာကလည်း Android ဆိုတမျိုး iOS ဆိုတဖုံနဲ့ လုပ်ရတာ အချိန်ကုန်လက်ဝင်တယ်။

တခါတည်းနဲ့ ၂ ခုလုံးမှာသုံးလို့ရအောင်လုပ်မယ်။ Webview သုံးတဲ့ Cordova တို့ Ionic တို့ထွက်လာတယ်။

Facebook:

WebView ကြီးနဲ့ မမိုက်ပါဘူးကွာ။ ပိုပြီး native ဆန်သွားအောင် React ကိုအခြေခံပြီး Reactive native လုပ်လိုက်တယ်။ တခါပဲရေး Android ရော iOS ရော ၂ ခုထွက်။

Google:

မင်းတို့ဘယ်လိုပဲ native လုပ်လုပ် အစစ်မဟုတ်ပါဘူးကွာ။ native နဲ့ပိုပြီး နီးစပ်အောင်လုပ်ပြမယ်။ React စတိုင်ကို အခြေခံပြီး Flutter ထွက်လာတယ်။ Dart language သုံးတယ်။ လေ့လာရတာလွယ်ပါတယ်။

Apple:

လွယ်လွယ်ကူကူလုပ်လို့ရအောင် ငါလည်းဖန်တီးတက်ပါတယ်။ ဒါပေမဲ့ Apple ရဲ့ထုံးစံအတိုင်း cross platform မလုပ်ဘူးလေ။ iOS အတွက်ပဲ declarative ပုံစံနဲ့ SwiftUI ထွက်လာတယ်။ React, Flutter ပုံစံအတိုင်းပါပဲ။

Google:

မင်းတို့မှ native သီးသန့်အတွက် လွယ်လွယ်ကူကူ App ဖန်တီးလို့ရတဲ့ ပုံစံမျိုး လုပ်တက်တာမဟုတ်ပါဘူး။ ငါလည်းလုပ်တတ်တယ်ဆိုပြီး Jetpack compose ထွတ်လာပြန်တယ်။

Microsoft:

IE သိပ်ခါပြန်ဆယ်ဖို့ Visual Studio Code ထုတ်ထားတယ်နော်။ .Net core ကိုလည်း open source လုပ်ပြီး သေသေခြာခြာလုပ်ထားတယ်လေ။ ဟုတ်ပါတယ် အရင်တခေါက်တ .Net core/EF core သုံးပြီး Backend API လုပ်တာ performance တွေကောင်းပြီး error ကင်းစင်နေလို့ .Net မှဟုတ်ရဲ့လားဆိုပြီး သံသယ ဝင်မိသေး။

Python:

ငါကလိုရာသုံးကွ။ ဟုတ်ပါတယ် မင်းက အားလူးလိုပါပဲ။ ပါဝါဖူးဖြစ်ပြီး မပါမဖြစ်ပါပဲ။ ဒါပေမယ့် နာမည်တော့မခံရဘူး။ တခါတလေ ဝမ်းနိုက်စတန်း လိုတောင်ဖြစ်တယ်။ :D လိုအပ်လို့ script လေးရေးပြီး တခါသုံးပြီးရော ပြီးရော။ လွယ်ပြီး ပါဝါဖူးဖြစ်တာကိုး။

Developer များ:

အင်း ကိုယ်က Web သမား။ html/js/css သိပြီးသားဆိုတော့ Cordova/Ionic သုံးမယ်။ ဟင် ‌နှေးလိုက်တာ။ Maintenance အတွက် တက်တဲ့ပြသနာတွေတော့ မပြောတော့ပါဘူး။ ထားပါတော့။ ကိုယ်လုပ်ချင်တာက Native က API တွေ အများကြီးသုံးတာဆိုတော့အဆင်မပြေဘူး။ ဒါနဲ့ တခါထပ်လေ့လာပြီး Native အတိုင်းရေးရပြန်တယ်။ C/C++/Java သေခြာလုပ်ဖူးထားသူတွေအတွက်တော့ programming language အသစ်ကို ထပ်လေ့လာရတာ အများကြီး အချိန်ပေးစရာမလိုဘူးပေါ့။ ဒါပေမဲ့ Framework တွေပေါ်မှာ လုပ်ရတာဆိုတာ သက်မှတ်ထားတဲ့ design တွေ pattern နည်းလမ်းတွေကိုလေ့လာ လိုက်နာရပြန်ရော။

ဟာ Reactive native လေးမိုက်တယ်။ လေ့လာကြဟေ့။ ဟာ Flutter လေးကသေသပ်လိုက်တာ။ app တခုဖြစ်ဖို့ html ရေးသလို လွယ်လိုက်တာ။ စမ်းကြည့်လိုက်ဟေ့။ တော်ပါပြီ ဘာလို့ cross platform သုံးမှာလည်း။ တော်ရုံ app လောက်ကတော SwiftUI, JackPack သုံးပြီး native သီးသန့် လွယ်လွယ်လေးဖန်တီးလို့ရတယ်။ လေ့လာကြည့်ဟေ့။

ဒါတွေက Front end အတွက်ပဲရှိပါသေးတယ်။ Developer တွေ အမြဲလေ့လာနေရတယ်။ သဘောတရားတချို့ကို နာလည်နေပေမဲ့ အသစ်တွေက အမြဲထွက်နေတော့ လေ့လာရပြန်ရော။ လွန်ခဲ့တဲ့ ၆ နှစ်လောက်က javascript လေ့လာထားပါတယ်ဆိုပြီးရပ်နေလို့မရဘူး။ ES version တခုတိုင်းမှာ အသစ်တွေ။

ဒီလို Dev တွေအမြဲ လေ့လာနေရအောင် လုပ်နေတဲ့ တရာခံက တခြားမဟုတ်ဘူး အထက်မှာပြောခဲ့တဲ့ Corp တွေပဲ။ သူတို့ လုပ်နိုင်တာကိုပြသဖို့ အလကားနေ အသစ်တွေထွတ်နေတာ။တချို့ဟာတွေက အတူတူပဲကို မလိုအပ်ပဲ ကွဲနေတာ။ ဘာကွာလဲ လိုက်ကြည့်ရတာနဲ့တင် အချိန်တွေကုန်။

ဒါကြောင့် သူတို့ရဲ့ အလွှာတွေကနေ လွတ်အောင် C သီးသန့် နဲ့ firmware ရေးမယ်ကြံလိုက်တယ်။ သိပ်မကြာခင်ကပဲ RTOS ကို AWS ကပိုင်သွားပြီ။

ကြည့်ရတာ Dev တွေဟာ အရင်ဘဝက စာချဘုန်းကြီး တွေနဲ့တူတယ်၊ ဒါကြောင့် အမြဲလေ့လာသင်ယူနေရတာ။ :P

--NSA